鼠患

我們一向都不會買一些很正常的玩具給芥蘭，因為我們是「非一般」的主人。我們去宜家時，特別買了兩隻老鼠，一大一細，給芥蘭。原因係為何有人會做一隻不太受歡迎的動物公仔，我們就是喜歡，想支持一下創造者。另外，老鼠一向係貓的玩意，我們今次幫下芥蘭，等佢可以玩cosplay，扮下貓仔捉老鼠過癮下。
不過，我今次捉蟲啦！阿倫又用呢d玩具玩我。
有一晚，阿倫工作至深夜，我已經瞓左。
佢返到屋企，走入睡房將隻大老鼠放在我心口，我被佢嘅笑聲嘈醒，然後我發現自己抱住大老鼠，我未清醒就掟走左個公仔！佢狂笑，而我就笑笑下之後又睡過。
過了幾天，阿倫又出招。我早上穿鞋，覺得唔對路，於是開燈望清楚，原來阿倫放了隻小老鼠入我隻鞋，我真係笑左！好啦好啦，以為可以出門口，一放隻手入去個手袋，發現有軟綿綿的東西在裡面，一看竟然是大老鼠，如果唔係比我係出門口之前找到，我一定成隻大老鼠帶返公司！
多謝您在一個平凡的早上帶給我笑料！
多謝您在前一晚的時候為玩我作出準備。